Honda 2004 EP3 Civic 遺失所有車匙, 重配著車晶片

車主遺失所以車匙, 打比我地問佢有條車匙但係冇晶片著唔到車, 做唔做到, 其實當初都唔肯定得唔得, 因為要配得返粒晶片, 首要條件就係知道粒晶片型號, 但當所有鎖匙都唔見晒既時候, 就唯有靠經驗同埋靠估了, 於是到最後都係出發, 睇下幫唔幫到手. 去到之後, 原來車主之前已經搵過另一間位於觀塘既專業配匙中心, 佢地專業到今時今日仲用氣袋同鐵線勾開車門, 跟住拆門皮同拆門鎖再配返條匙出黎, 不過其實過程都唔係用重要, 最重要都係結果, 總之配得返條匙同埋晶片著到車都算了...但偏偏事與願遺, 匙係配到的, 但晶片就攪唔到, 得物無所用, 鬼咩搵部x431點配晶片呀, 不過最慘就係錢就照收, 仲同車主講要搵部劏車返黎換左部防盜電腦...到最後, 我地去到之後憑住少少運氣, 10分鐘唔洗就配左兩粒晶片出黎...完事收工!

借呢個機會再提一提所有車主, 雖然唔見晒鎖匙都可以配得返, 但復雜情度同收費往往會比起你仲有一條鎖匙既時候高, 所以, 如果你架車呢一刻只得返一條鎖匙既話, 請你認真考慮配多一條做後備!

p.s. 車主話因為停車場多貓, 所以搵野包住架車 :P