2017年12月30日星期六
2017年12月29日星期五
BMW 2013 行貨 F10 520i 全部鎖匙遺失, 現場重配原廠 KEYLESS GO 鎖匙 X2
人無恥, 便無敵...
大家講唔好誤會, 講既唔係客人, 而係講緊九龍區某地舖...事源係咁, 車主之前唔見晒鎖匙, 就去搵左果間謀人寺, 電話報左一個價, 車主覺得價錢可以接受就將架車拖左去佢地間寺, 點知惡夢就0係呢個時候開始, 過左兩日間謀人寺打比車主話整唔到, 如果要整就要加多差唔多雙倍價錢, 心水清既你可能就會問, 點解做唔到但係加錢就做到呢? 其實答案好簡單...因為間舖真係做唔到, 要搵人幫手做..最終令到成本上升所以轉嫁0係車主身上...但係由於架車已經拖左, 肉隨砧板上唯有無奈接受, 點都好最終起碼叫做配得返條匙出黎...諗住就咁有覺好訓? 車主都以為係, 點知條匙用唔夠一個月就已經著唔到車...咁當然去搵返間謀人寺啦, 點知佢地完全將責任推卸0係車主身上, 話唔關佢地事...車主同佢地理論, 換黎既就係粗言穢語既對待...最終間謀人寺唔肯負責任, 匙又壞左著唔到車, 冇辦法之下搵我地配返兩條鎖匙...
唉我都好同情呢位車主...如果早D搵我地就唔洗冇覺好訓...現場幫車主配返兩條匙, 無損車身開門又唔洗拖車...仲唔洗比人當水魚咁劏...總結今次經驗有少少建議比大家, 就係,
1. 講左十萬八千次, 一定一定一定要有後備鎖匙!
2. 配匙一定要搵間有經驗同埋信譽好既, 整唔到都係事小, 整壞埋架車到時就真係神仙都難救.
3. 問清楚價錢...而家大部份鎖匙都有分原廠同副廠, 價錢唔同, 但都唔好單單淨係睇價錢, 因為配匙過程中所牽涉既技術同經驗先係關鍵, 貪小便宜隨時會導致因小失大
2017年12月28日星期四
2017年12月27日星期三
2017年12月26日星期二
2017年12月25日星期一
2017年12月24日星期日
2017年12月22日星期五
2017年12月21日星期四
訂閱：
文章 (Atom)