冇晒鎖匙既E63

又係從事汽車業務既朋友, 今次特別之處係車主唔見晒所有鎖匙, 連門都開唔倒, 有冇辦法攪? 當然冇問題啦...:)

E60 臨時臨急配鎖匙

車行朋友趕住第二日交車, 下晝六點幾先打電話黎話今日一定要配到條匙, 好在我不嬲都入定D貨以備不時之需, 今回終於都用得著, 最後又當然無驚無險攪掂左啦 題外話, 好多人誤以為E60條鎖匙同E46係一樣, 但其實內裡份晶片係完全唔同, 所以價錢亦有所分別...

E46 配匙唔洗自己比錢

原本約左車主 6 點, 點知遲左少少...真係唔係意思...

事源係咁, 車主見我差唔多攪掂, 於是打左個電話, 內容大概係同電話入面個人講就得啦你過黎啦, 跟住就同我講個朋友去左ATM"禁"錢過緊黎, 跟住我就多口問架車係你朋友既? 原來係車主個朋友唔見左佢條鎖匙..所以要找數...XDD

Hello Kitty E90

上車打左個突, 因為車主點睇都唔似係Hello Kitty fans...後來見到車尾有張 Child in Car...明晒...哈哈

迷之水貨E90

呢位E90車主之前搵小弟改左白燈LED錶板, 仲自己上網訂埋四支M3款紅針, 唔好睇少呢四支針, 一支計返要成舊水架...



好, 又開始配鎖匙喇, 呢架係日本水貨車, 由於水貨車用既鎖匙係唔同行貨既, 咁好順理成章就拎條水貨鎖匙出黎配啦, 點知配完之後個遙控完全冇反應, 心諗冇理由既, 唔通條匙冇電? 點知換左電都係唔得...係冇晒辦法之際, 膽粗粗拎條行貨用既鎖匙出黎試下, 配完之後竟然用得到仲正常過正常 @_@

 

 

 

E46 冇遙控變有遙控

車主岩岩買架車返黎，上手車主比得一條後備鎖匙，仲要冇遙控果隻！咁梗係拿拿林要配返條啦，車主想配返有遙控果隻，但由於冇晒兩條遙控匙，唔知原裝係用邊款，好在車身NUMBER可以CHECK得返，CHECK完冇問題就出去開工。一去到車主已經0係度等緊，咁就拿拿林做野啦，點知5分鐘唔夠要佢話行開一陣，OK當然冇問題啦，點知原來去左買野飲，但係呢短短買野飲既15分鐘我已經幫佢配好條匙喇。。呵呵呵